16 маусым күні ақпараттық-библиографиялық қамтамасыз ету бөлімінің қызметкерлері Ғ.Сланов атындағы Атырау облыстық  кітапханасымен күйші Дина Нұрпейісованың 160 жыл толуына орай онлайн әріптестік кездесуін өткізді.
Кездесу барысында біздің кітапхана Дина Нұрпейісоваға арналған ұсыныстық библиографиялық көрсеткішпен таныстырса, Атырау кітапханасы Динаға арналған  библиографиялық қызметі туралы айтып берді және де Динаның шығармашылығы баяндалып, күйлері орындалды.

10 маусым күні кітапханаларды дамыту бөлімінің ұйымдастыруымен ZOOM қосымшасында «Рухани қазына - 2021» онлайн фестивалі: Кітапхана саласының жаңа мүмкіндіктері мен жетістіктері» атты ашық әңгіме өткізілді. Шараның мақсаты: кітапханақызметкерлерінің кәсіби шеберлігін арттыру, жаңа технологиялық деңгейін жетілдіру, фестиваль жүлдегерлерінің жетістіктерін насихаттау және өзара тәжірибе алмасу.

8 маусым күні С.Бәйішев атындағы облыстық әмбебап ғылыми кітапханасының өлкетану әдебиеттер бөлімі Қобда аудандық орталықтандырылған кітапхана жүйесімен бірлесе отырып ақын, журналист, аудармашы, халықаралық «Пен-Клубтың» мүшесі, А.Өтегеновтың мерейтойына арналған библиодесант жобасы аясында «Қобдадан шыққан өр тұлға» атты танымдық іс-шарасын Skype қосымшасында өткізді.

4 маусым - Қазақстан Республикасының Мемлекеттік рәміздері күніне орай ақпараттық-библиографиялвқ қамтамасыз ету бөлімі №30238 әскери бөлімінің сарбаздары арасында «Мемлекеттік рәміздер – ұлт мақтанышы» атты ақпараттық-танымдық іс-шарасын өткізді. Шара қатысушыларына мемлекеттік рәміздердің шығу тарихы мен құрылымы туралы танымдық ақпарат берілді.

4 маусымда  С.Бәйішев атындағы облыстық әмбебап-ғылыми кітапханасының оқу залы бөлімшесі Қазақстан Республикасының Тәуелсіздігінің 30 жылдығы аясында Мемлекеттік Рәміздер күніне арнап Zoom қосымшасында «Мемлекеттік рәміздер – ұлттық құндылық» атты дөңгелек үстел өткізді. Шараның мақсаты: Қазақстандық патриотизм, Қазақстанның әлеуметтік-экономикалық жетістіктерін мақтан тұту идеяларын кеңінен дәріптеу және дамыту, қазақстандықтардың Мемлекеттік Ту, Елтаңба, Әнұранға деген терең құрмет сезімін қалыптастыру.

18 мамыр күні кітапхананың оқу залы қызметкерлері Чернобыль апатының 35 жылдық тарихына орай   ұйымдастырған «Зардаптары толастамаған Чернобыль» атты облыстық байқауының жеңімпаздарын  марапаттау  рәсімін өткізді.Чернобыль апатындай алпауыт апаттың болуын еш ел қаламайды. Бейбіт, тыныш заманды қалайтын халыққа ядролық энергияның зияны тимесе    екен деп, апат салдарын болдырмау үшін  жас ұрпақты  іс-шараларға араластыру арқылы Чернобыль зардаптары, экологиялық тақырыптар жайында танымдық білімдерін көтеру мақсатында   «С.Бәйішев атындағы Ақтөбе облыстық әмбебап ғылыми кітапханасы» КММ, оқырмандарға қызмет көрсету бөлімінің ұйымдастыруымен   Чернобыль апатының 35 жылдық тарихына орай «Зардаптары толастамаған Чернобыль» атты облыстық байқауын ұйымдастырған болатын.

15 мамыр күні С.Бәйішев атындағы Ақтөбе облыстық әмбебап ғылыми кітапханасы қызметкерлерінің ұйымдастыруымен «Ақтөбе – алтын бесігім» атты жазғы шығармашылық маусымның ашылуына байланысты Сулы-жасыл бульварда ҚР еңбек сіңірген қайраткері, «Ақтөбе облысының Құрметті азаматы», күйші Жайлау Асылхановпен «Әке – отбасы тірегі» атты кездесу кеші өтті.

С.Бәйішев атындағы облыстық әмбебап ғылыми кітапханасында XIX ғасырда ұлт азаттығы жолында күрескен Исатай Тайманұлының 230 жылдығына орайластырылған «Ел қорғаған Ер Исатай» атты тарихи - танымдық шарасы ZOOM қосымшасында өтті. Шараға құрметті қонақ болып Х.Досмұхамедов атындағы Атырау университетінің профессоры, тарихшы-исатайтанушы А.Шамғонов қатысып, тарихи деректерге сүйене отырып Исатай Тайманұлының өмірі мен тарих беттеріндегі орасан зор қызметі мен беделі туралы айтқан тұшымды әңгімелері Ақтөбе аудандық, қалалық орталықтандырылған кітапхана жүйелерінің қызметкерлері мен оқырмандарына кеңінен жеткізілді.

С.Бәйішев атындағы облыстық әмбебап ғылыми кітапханасының негізгі қорды сақтау  бөлімінің  қызметкерлері ағымдағы жылдың  14 мамырынан қыркүйек айлары аралығында  «Ақтөбе-алтын бесігім» атты жазғы шығармашылық маусымының ашылуына байланысты, ақтөбеліктерге тамаша көңіл - күй сыйлау, халық арасында «Еркін микрофон»  форматында халықтың  бос уақытын мазмұнды ұйымдастыру мақсатына орай   қаламыздың Сулы – жасыл бульварында  ақтөбелік ақын - жазушылардың шығармашылығына арналған және  олардың рухани асыл мұраларын оқырман қауымға  насихаттау барысында    «Жергілікті ақын - жазушылар мұрасы, болашақ ұрпақ қазынасы»  атты кітап көрмесін ұйымдастырды.

С.Бәйішев  атындағы Ақтөбе облыстық әмбебап  ғылыми кітапханасының ұйымдастыруымен 2021 жыл «Қазақстандағы балалар мен жасөспірімдердің кітап оқуын қолдау жылы» аясында ZOOM қосымшасында 11 мамыр күні «Балалар әдебиеті-ұрпақ тәрбиесінің талбесігі» атты облыстық семинары өтті. Іс-тәжірбие алмасу мақсатын көздеген облыстық семинарын С.Бәйішев атындағы АОӘҒ  кітапхана  директоры Раймбаева  Құралай Серікқызы ашты.